તમારી સહાય અમને વધુ લોકોને સેવા આપવાનો મોકો આપશે.
સમાજમાં જે વડીલો નિ:સંતાન, નિરાધાર અને નિ:સહાય છે તેમનો જીવન સંધ્યાનો સમય પણ સામાજીક એકાંતવાસ જેવો હોય છે. આ રીતે કષ્ટ ભોગવતા વડીલોને એકલતામાંથી બહાર લાવવા અને ગૌરવભેર રહેવા માટેનું, એકલતા દૂર કરવાનું, પોતાના જેવા જ પ્રશ્નો ધરાવતાં સહવાસીઓ સાથે પારિવારીક તેમજ સંવેદનાત્મક સબંધો કેળવવાનું સ્થાન મળી રહે તે ઉદ્દેશથી આ કાર્ય શરુ કરી અને સમજમાં ફરી પોતાની કોઈ આગવી ઓળખ ઉભી કરે તેવો હેતુ અને ભાવ પણ આ કાર્ય સાથે જોડાયેલ છે. આ "વાત્સલ્ય ધામ" એક "વયવંદના" નું મંદિર પણ બની રહે તેવો અમારો હૃદયભાવ છે. સૌ એક પરિવાર બનીને આ મંદિરમાં સમુદાય આરાધના કરી આ વાત્સલ્ય ધામને સમજમાં એક ગૌરવભર્યું સ્થાન અપાવીએ તેવી પણ પ્રભુ પ્રાર્થના છે.